منیم وبلاگیما خوش گلمیسیز...
(به وبلاگ من خوش آمدید)
جیبده پول اولسا بالام،هرکیشی نین قدرتی وار
یئتمیشی آتسادا سینی ، دیزینین قدرتی وار
فرقی یوخدور طوی اولا،مجلیس اولا،ماتم اولا
مجلیسین اعلی یئرینده اوتویار،حورمتی وار
هره بیر خوش دیلیله دیندیریب احوال سوروشار
نیه؟ جیبده پولی وار مفته دگول ، علتی وار
قان توکه،باش کسه،سرقت ائده هئچ ایرادی یوخ
حاکم شرعه جانیم هر ایشین اوز قیمتی وار
هئچ گوروبسن کی چوبان سوت وئره ن احشامی ساتا؟
پادار انیساندا بالام ، دادگــــاهــا عایداتـــــــی وار
ایکی کلمه-(پ)ایله حل اولونار « پارت و پلو »
کیمسه نین یوخ دئمه گه ایندی بالم جراتی وار
رشوه خوارلیق بئله یارب گوتوروب باش گئدیری
چاقال اینسانلارین آخیر نه یامان شهرتی وار!!
فقرا ، برگ خزان تک ، توکولوب ، پامال الور
نیله سین عالم ایچینده هانسی شخصیتی وار؟
ایل سونی گلدی یئتیشدی کلفتی دادمیوب -ات
رمضانه اودی کی کای کاسیبین رغبتی وار
بویازیق، فرق ایله مز شعبان اولا یا رمضان
اون بیر آی پیشواز ائدیبدی رمضان نیتی وار
« جعفری » سوزلرین اعیانه عجب نشتر اولور
اهل درد ایچره بیلیرسن کی بویوک خلعتی وار
هرکیمسه گلیب غم گونی غمخوار اولا بیلمز
هر نطفه حرام محرم اسرار اولا بیلمز
ساخلا بوسوزی، ناکسه بئل باغلما ،والله
بی غیرت اولان دوستا نگهدار اولابیلمز
دوستون آز ائله،لازمه سین حجب،وفا قیل
"میلیون پشه دن لشکر جرار اولا بیلمز"
هرکیمسه کی ذاتیندا اولا -فخر، مباهات
هیهات! حذر ائت - تولکی سپهدار اولا بیلمز
انسان اودی کی ذاتی مزیندی نه جسمی
سقال ، سیبیل ایله کیشی پربار اولا بیلمز
چاقال صفته باغلاما بئل سانکی بولورسن
چاقال اگر اصلان اولا، کرار اولا بیلمز
اصلان صفتیله اوتوروش، گتت گلین اولسون
هر خورماساتان "میثم تمار" اولا بیلمز
عمرون چالیش هر لحظه سی خوش خاطیره قالسین
هر لحظه کی گئتدی داها تیکرار اولا بیلمز
بیر یاخشیلیق انسانین ائده ر یادینی زنده
تاریخ بویی اخیار آدی هئچ خوار اولا بیلمز
شکر ائیله گینه " جعفری" یوخ مال-منالین
میلیارد اولا سنده ن سورا آثار اولا بیلمز
شعرونده دئنه حق سوزی قوی خلق اویانسین
عمرون قوتولار فرصت اشعار اولا بیلمز
منله دانیشیب گولدی یاریم ،گوزلریم آیدین
من هرنه دئدیم بولدی یاریم، گوزلریم آیدین
سالدیم یادیما جوروجفاسین یاشیم آخدی
گوزدن یاشیمی سیلدی یاریم ،گوزلریم آیدین
شهلا گوزونه باخدیم اوتاندی یئره باخدی
غنچه لب ایله گولدی یاریم ،گوزلریم آیدین
آتدان یوخاری باخدی گوزون چترینی آچدی
محرمدی منه ایندی یاریم، گوزلریم آیدین
بیر دون گئجه نی غصه کدرسیز سحر ائتدیم
گوردوم یوخودی ،جیمدی یاریم ،گوزلریم آیدین.
آند اولسون آنامین لای لای سسینه
کوروپه اوشاقلارین سود هوسینه
آند اولسون بابکین سون نفسینه
یئنـــــی دن آلاجــــام قـــارابــاغیمـــــــــی
.: Weblog Themes By Pichak :.
